ტურები დედოფლისწყაროში

ჩვენს შესახებ

ტურიზმის ბიურო „დედოფლისტური“ შეიქმნა ევროკავშირის ფინანსური მხარდაჭერით.

მისია: საქართველოს სამხრეთ-აღმოსავლეთის რეგიონის - ქიზიყის გაცნობა მოგზაურებისთვის.

ახლა, მსოფლიოში მიმდინარე მოვლენების ფონზე, საქართველო რჩება ერთ-ერთ ყველაზე დაცულ ქვეყანად, ხოლო დედოფლისწყაროში კორონავირუსის არცერთი შემთხვევა არ დაფიქსირებულა.

ჩვენ, ტურისტული ბიუროს პროფესიონალების გუნდი, ვმუშაობთ თქვენთვის კახეთის და ქიზიყის მასშტაბით სხვადასხვა სახის და ხანგრძლივობის ინდივიდუალური და ჯგუფური ტურების დაგეგმვა-განხორციელებაზე.

ჩვენ გვიყვარს ჩვენი რაიონი, ჩვენი კუთხე, დედოფლისწყარო-მეგობრობის ქალაქი, სადაც ქართველების გვერდით მეგობრულად  ცხოვრობენ და თავის კულტურას ინარჩუნებენ  სხვა ეროვნების წარმომადგენლები, და გვინდა, თქვენც საუკეთესო მოგონებები გაგყვეთ მასზე.

ჩვენი სერვისები განკუთვნილია სხვადასხვა ტიპის მოგზაურებისთვის, განსაკუთრებით- ოჯახებისა და საშუალო ან უფროსი ასაკის ადამიანებისთვის, ვინც ეძებს ახალ შთაბეჭდილებებსა და კომფორტულ წყნარ გარემოს.

თუ თქვენ და თქვენი ოჯახი ცხოვრობთ დიდ, ხმაურიან ქალაქში თანამედროვე ცხოვრების დაძაბული რიტმით, მაგრამ  გსურთ, დაისვენოთ მშვიდ გარემოში, სუფთა ჰაერზე და მიირთვათ ნამდვილი სოფლის პროდუქტები, ჩვენ მზად ვართ დაგეხმაროთ მოგზაურობის დაგეგმვაში, რაც გულისხმობს:

  • ტრანსპორტირება თბილისიდან (ან ქუთაისიდან) დედოფლისწყაროში და უკან;
  • ღამის თევის ორგანიზება;
  • კვების, დასვენების და ექსკურსიების ორგანიზება-განხორციელება;
  • თქვენი მოგზაურობის დაუვიწყარი შთაბეჭდილებების ამსახველი სუვენირების შეთავაზება;
  • საინფორმაციო მომსახურება.

 

5 მიზეზი, რატომ უნდა ესტუმროთ დედოფლისწყაროს:

 

  • საქართველოს დედაქალაქიდან სულ რაღაც 135-140 კილომეტრის მანძილზე, წელიწადის ნებისმიერ დროს, კეთილმოწყობილი გზით შეძლებთ, მოხვდეთ უნიკალურ გარემოში.
  • ნებისმიერ სეზონზე აქ, მეგობრობის ქალაქში, შეიძლება საინტერესო კულტურული, ღვინის, კულინარიული (გასტრონომიული) თუ სათავგადასავლო ტურის მოწყობა.
  • დიდი და ხმაურიანი ქალაქებიდან შორს, დედოფლისწყარო ყოველთვის დაგხვდებათ სუფთა ჰაერით,  ჯანსაღი ადგილობრივი პროდუქტით, ღვინით,  დამახასიათებელი ქიზიყური სტუმართმოყვარეობით და კეთილგანწყობილი ადამიანებით.  
  • შეძლებთ, იმოგზაუროთ დიდი ქართველი მხატვრის-ფიროსმანის ნაკვალევზე და წარმოიდგინოთ თავი სხვა ეპოქაში.
  • შეგიძლიათ, შეხვდეთ განთიადს საქართველოს უკიდურეს აღმოსავლეთში მდებარე წერტილზე და მოუსმინოთ „ჩიტების ორკესტრს“.

 

სახელი : * ელ.ფოსტა : * თემა : *
შეტყობინება : *

დაბრუნება TOP